ஆபத்தான பாதையில் நோர்வே…! ரஷ்ய தூதரின் எச்சரிக்கை…!!

நோர்வே, உக்ரைனுக்கு வழங்கி வரும் அதிகரித்த இராணுவ மற்றும் பாதுகாப்பு ஆதரவு குறித்து, ரஷ்யாவின் நோர்வேக்கான தூதர் கடுமையான எச்சரிக்கையை விடுத்துள்ளார்.

நோர்வே, உக்ரைனுக்கு ஆயுதங்கள் மற்றும் பிற இராணுவ உதவிகளை தொடர்ந்து வழங்குவதன் மூலம், ரஷ்யாவுக்கு எதிரான மோதலில் மேலும் ஆழமாக ஈடுபட்டு வருவதாகவும், இதன் மூலம் நோர்வே கடுமையான ஆபத்தை எதிர்கொள்கிறது என்றும் அவர் தெரிவித்துள்ளார்.

மேலும், இந்த நடவடிக்கைகள் நோர்வே–ரஷ்யா உறவுகளை மேலும் மோசமடையச் செய்யக்கூடும் எனவும் அவர் எச்சரித்துள்ளார்.

இதற்கு பதிலளித்துள்ள நோர்வே அரசு, உக்ரைனுக்கு வழங்கப்படும் ஆதரவு சர்வதேச சட்டத்திற்கு உட்பட்டதும், உக்ரைனின் தற்காப்பு உரிமையை ஆதரிக்கும் நோக்கத்துடனானதுமாகும் என்று வலியுறுத்தியுள்ளது. ரஷ்யாவின் அச்சுறுத்தல்கள் நோர்வேயின் கொள்கையை மாற்றாது என்றும் அரசு தெரிவித்துள்ளது.

உக்ரைன் போர் தொடங்கியதிலிருந்து, நோர்வே மற்றும் ரஷ்யா இடையிலான இராஜதந்திர உறவுகள் தொடர்ந்து பதற்றமான நிலையிலேயே இருந்து வருகின்றமை குறிப்பிடத்தக்கது.

16.07.2026