ஈரானின் முன்னாள் உச்ச தலைவர் “Ali Khamenei” அவர்களின் அரச மரியாதையுடனான இறுதிச் சடங்கு நிகழ்வுகள், தலைநகர் “Tehran” நகரில் தொடங்கியுள்ளன.
பல நாட்கள் நடைபெறவுள்ள இந்த நிகழ்வில், உலகின் பல்வேறு நாடுகளைச் சேர்ந்த அரசியல் மற்றும் மதத் தலைவர்கள் கலந்து கொள்ள ஏற்பாடு செய்துள்ளது.
37 ஆண்டுகளுக்கும் மேலாக ஈரானின் உச்ச தலைவராகப் பதவி வகித்த அலி கமெய்னி, கடந்த பெப்ரவரி மாதம் அமெரிக்கா–இஸ்ரேல் கூட்டுத் தாக்குதலின் தொடக்கத்தில் உயிரிழந்ததாக ஈரான் தெரிவித்துள்ளது. அவரது மறைவுக்குப் பிறகு ஏற்பட்ட போர் சூழ்நிலை மற்றும் பாதுகாப்புக் காரணங்களால் இறுதிச் சடங்கு பல மாதங்கள் ஒத்திவைக்கப்பட்டிருந்தது.
தற்போது அவரது உடல் தெஹ்ரானில் உள்ள பிரமாண்ட தொழுகை மண்டபமான “கிராண்ட் மொசல்லா” வில் பொதுமக்களின் அஞ்சலிக்காக வைக்கப்பட்டுள்ளது. கறுப்பு உடையில் ஆயிரக்கணக்கான மக்கள் அங்கு திரண்டு மலர் தூவி, பிரார்த்தனை செய்து, இறுதி மரியாதை செலுத்தி வருகின்றனர். அரசுத் தொலைக்காட்சிகள் இந்த நிகழ்வுகளை நேரலையாக ஒளிபரப்புகின்றன.
ஈரான் அரசின் தகவலின்படி, 100-க்கும் மேற்பட்ட நாடுகளிலிருந்து பிரதிநிதிகள் அழைக்கப்பட்டுள்ளனர். ரஷ்யா, பாகிஸ்தான் உள்ளிட்ட நாடுகளின் உயர்மட்ட பிரதிநிதிகள் பங்கேற்க உள்ளதாக தெரிவிக்கப்பட்டுள்ளது. அதேவேளை, அமெரிக்கா மற்றும் இஸ்ரேலுக்கு ஆதரவாக இருந்த பல மேற்கத்திய நாடுகளுக்கு அழைப்பு விடுக்கப்படவில்லை என்றும் கூறப்படுகிறது.
இறுதிச் சடங்கு நிறைவடைந்த பின்னர், கமெய்னியின் உடல் ஈரானின் புனித நகரமான “Mashhad” நகரில் அடக்கம் செய்யப்பட உள்ளது. இந்த நிகழ்வில் கோடிக்கணக்கான மக்கள் பங்கேற்பார்கள் என ஈரான் அதிகாரிகள் எதிர்பார்க்கின்றனர்.
கமெய்னியின் மறைவுக்குப் பிறகு அவரது மகன் “Mojtaba Khamenei” ஈரானின் புதிய உச்ச தலைவராகப் பொறுப்பேற்றுள்ளார். இந்த இறுதிச் சடங்கு மத நிகழ்வாக மட்டுமல்லாமல், ஈரானின் அரசியல் ஒற்றுமையையும் உலகிற்கு வெளிப்படுத்தும் முக்கிய நிகழ்வாகவும் பார்க்கப்படுகிறது.
05.07.2026