ஒஸ்லோ:
அமெரிக்காவில் நடைபெற்று வரும் கால்பந்து உலகக் கோப்பை போட்டித் தொடரில், பிரான்ஸ் மற்றும் ஈராக் அணிகள் மோதவிருந்த போட்டிக்கு முன்பாக மைதானம் அவசரமாக காலி செய்யப்பட்டது.
போட்டி நடைபெறவிருந்த மைதானப் பகுதியில் கடுமையான மழை, இடியுடன் கூடிய புயல் மற்றும் மின்னல் தாக்கும் அபாயம் ஏற்பட்டதால், பாதுகாப்பு முன்னெச்சரிக்கை நடவடிக்கையாக ரசிகர்கள் மற்றும் பொதுமக்கள் உடனடியாக வெளியேற்றப்பட்டனர். மேலும், அப்பகுதியைத் தவிர்க்குமாறு அதிகாரிகள் பொதுமக்களுக்கு அறிவுறுத்தினர்.
வீரர்கள், அதிகாரிகள் மற்றும் ரசிகர்களின் பாதுகாப்பை உறுதி செய்வதே இந்த நடவடிக்கையின் நோக்கமாகும் என்று ஏற்பாட்டாளர்கள் தெரிவித்துள்ளனர். வானிலை நிலைமை சீராகும் வரை போட்டி அட்டவணையில் மாற்றங்கள் ஏற்படக்கூடும் என்றும் கூறப்பட்டுள்ளது.
சர்வதேச விளையாட்டு பாதுகாப்பு விதிமுறைகளின்படி, மின்னல் மற்றும் கடுமையான வானிலை அபாயங்கள் காணப்படும் சூழலில் போட்டிகளை தற்காலிகமாக நிறுத்துவது அல்லது தாமதப்படுத்துவது வழக்கமான நடைமுறையாகும்.
இதனால், பிரான்ஸ் – ஈராக் போட்டியை எதிர்பார்த்து வந்த ரசிகர்களிடையே சிறிது பதற்றம் ஏற்பட்டாலும், பாதுகாப்பு காரணங்களுக்காக இந்த முடிவு அவசியமானதாக கருதப்படுகிறது.
இதேவேளை, காலநிலை சீரற்ற நிலை தொடருமாயின், நோர்வே நேரப்படி, நாளை அதிகாலை 02:00 மணிக்கு நடைபெற திட்டமிடப்பட்டிருந்த, நோர்வே – செனகால் நாடுகளுக்கிடையிலான போட்டி நடக்குமா என்ற கேள்வியும் எழுந்துள்ளது.
22.06.2026