ஒஸ்லோ நகராட்சி கொரோனா தொற்று எச்சரிக்கை நிலையை இன்று மூன்றாக உயர்த்தியுள்ளது.
வீட்டுத் தனிமைப்படுத்தலை மீறுதல் தண்டனைக்குரியது,மற்றும் பொது நிகழ்வுகளின் கட்டுப்பாட்டு விதிமுறைகள் உட்பட மேலும் கடுமையான கட்டுப்பாட்டு விதிமுறைகளை ஒஸ்லோ நகராட்சி இன்று அமுல்ப்படுத்தியுள்ளது.
- 100 க்கும் மேற்பட்ட பங்கேற்பாளர்களுடன் நிகழ்வுகளை நடத்துவதற்கு நகராட்சிக்கு (bydel) நிகழ்ச்சி அமைப்பாளர்கள் விண்ணப்பிக்க வேண்டும் என்று ஒஸ்லோவில் உள்ள தொற்று கட்டுப்பாட்டு மேலதிகாரி (Smittevernoverlegen) இன்று அறிவித்துள்ளார்.
- 500 க்கும் மேற்பட்ட பங்கேற்பாளர்களை கொண்ட, உள்ளரங்க மற்றும் வெளிப்புற நிகழ்வுகள் அனைத்தும் தடை செய்யப்படும்.
- இரவு விடுதிகள், உணவு விடுதிகள், சந்திப்பு அறைகள் மற்றும் இட ஒதுக்கீடு இல்லாமல் நடைபெறும் அரங்க நிகழ்வுகள் போன்ற இடங்களில் அரங்கில் அல்லது மண்டபத்தில் உள்ள மக்கள் மத்தியில் 1 மீட்டர் இடைவெளி வைத்திருக்க முடியும் என்பதை உறுதி செய்ய வேண்டும் .
- Oslo Rådhus சுற்றுலா பயணிகள் மற்றும் நிகழ்வுகளுக்கு தற்போது மூடப்பட்டுள்ளது, மேலும் திருமணத்தின் போது விருந்தினர்களின் எண்ணிக்கையில் கட்டுப்பாடுகள் விதிக்கப்பட்டுள்ளன.
- ஒஸ்லோ நகராட்சியில் வசிக்கும் அனைவருக்கும் குறுந்தகவல் (SMS ) மூலம் தகவல் அனுப்பப்படும்.
இந்த நடவடிக்கைகள் செவ்வாயன்று பெர்கனில் அறிமுகப் படுத்தப்பட்ட விதிமுறைகளுக்கு ஒப்பானது என்பது இங்கு குறிப்பிடத்தக்கது.
ஆதாரம் / மேலதிக தகவல் : Dagbladet