யாழ்ப்பாணம் பண்ணைக்கடலில் வீழ்ந்து உயிரிழந்தவருக்கு கொரோனாத் தொற்று உறுதி செய்யப்பட்டுள்ளது.
நேற்று யாழ்.போதனா வைத்தியசாலையில் மேற்கொள்ளப்பட்ட பிசிஆர் பரிசோதனையிலேயே குறித்த நபருக்கு தொற்று உள்ளமை அடையாளம் காணப்பட்டுள்ளது.
நேற்று முன்தினம் செல்பி எடுக்க முற்பட்டபோது தவறி வீழ்ந்து K.கௌதமன் (வயது 29 ) என்பவர் காணாமல் போயிருந்த நிலையில் நேற்று பகல் அவரின் சடலம் மீட்கப்பட்டிருந்தது.
அவரின் சடலத்துக்கு யாழ்.போதனா வைத்தியசாலையில் மேற்கொள்ளப்பட்ட பிசிஆர் பரிசோதனையிலேயே அவருக்கு கொரோனாத் தொற்று உள்ளமை கண்டறியப்பட்டுள்ளதாக தெரியவந்துள்ளது.