வடக்கு இஸ்ரேல் பகுதி மீது லெபனான் குண்டு வீச்சு தாக்குதல் நடத்தி இருப்பது அதிர்ச்சியை ஏற்படுத்தியுள்ளது. இஸ்ரேல்-ஹமாஸ் இடையிலான போர் நடவடிக்கை காசாவில் தீவிரமாக நடைபெற்று வருகிறது. ஆயிரக்கணக்கான மக்கள் இதில் கொல்லப்பட்டும், தங்கள் வாழ்வாதாரத்தை இழந்து தவித்து வருகின்றன
இந்நிலையில் வடக்கு இஸ்ரேலிய பகுதி மீது லெபனான் குண்டு வீச்சு தாக்குதல் நடத்தியுள்ளது.
ஒரு நிமிடத்திற்குள் சுமார் 25 ராக்கெட் குண்டுகளை வடக்கு இஸ்ரேலிய பகுதிகள் மீது லெபனான் வீசியதாக இஸ்ரேல் பாதுகாப்பு படை தெரிவித்துள்ளது.
மேலும் ஏவப்பட்ட ராக்கெட்டுகள் சாசா மற்றும் ஸ்தூலா குடியிருப்புகள் மீது விழுந்ததாகவும், தெற்கு லெபனானின் ஹெஸ்பொல்லா தளங்களில் மீது இஸ்ரேல் நடத்திய தாக்குதலுக்கு பழிவாங்கும் நோக்கத்தில் இந்த தாக்குதலை லெபனான் செய்து இருப்பதாகவும் இஸ்ரேல் தெரிவித்துள்ளது.
அதிர்ஷ்டவசமாக இந்த தாக்குதலில் உயிரிழப்புகள் மற்றும் படுகாயங்கள் எதுவும் ஏற்படாத நிலையில், இந்த தாக்குதல் தொடரும் என லெபனான் எச்சரிக்கை விடுத்து இருப்பதாகவும் இஸ்ரேல் குறிப்பிட்டுள்ளது.