யாழ்ப்பாணம் புறநகர் பகுதியில் உள்ள பிரபல பாடசாலை ஒன்றின் இரு மாணவர்கள் அதீத போதையுடன் சிறீலங்கா காவற்தறையினரினால் நேற்றைய தினம் புதன்கிழமை கைது செய்யப்பட்டுள்ளனர்.
மாணவர்கள் இருவரும் போதை மாத்திரைகளை உட்கொண்டுள்ளதாக பொலிஸ் விசாரணைகளில் தெரிய வந்ததை அடுத்து , மாணவர்களுக்கு அவற்றை விநியோகித்த நபர்களை கைது செய்வதற்கு சிறீலங்கா காவற்தறையினர் விசாரணைகளை முன்னெடுத்துள்ளனர்
அதேவேளை கைது செய்யப்பட்ட இரு மாணவ்ர்களையும் , மருத்துவ பரிசோதனைக்கு பின்னர் சிறுவர் நீதிமன்றில் முற்படுத்தவும் பொலிஸார் நடவடிக்கை எடுத்துள்ளனர்.
வாட்ஸ் அப் செயலி ஊடாக மாணவர்களை உள்ளடக்கிய குழுக்கள் ஊடாக போதை மாத்திரை விநியோகங்கள் நடைபெற்று வருவதாக யாழில் பரவலான குற்றச்சாட்டுக்கள் எழுந்துள்ள நிலையில் , சிறீலங்கா காவற்தறையினர் அது தொடர்பிலும் விசாரணைகளை முன்னெடுக்க வேண்டும் என பல தரப்பினரும் கடந்த காலங்களில் கோரிக்கை விடுத்து வந்தமை குறிப்பிடத்தக்கது.
திட்டமிட்டு அழிக்கப்கடும் மாணவர்களின் எதிர்காலத்தை எண்ணி சமூக ஆர்வலர்கள் மிகுந்த கவலை கொண்டுள்ளனர்.