அமெரிக்க அரசு செயற்திறன் மேம்பாட்டுத் துறை எதிர்ப்பாளா்கள், அந்நாட்டின் பல்வேறு பகுதிகளில் எலான் மஸ்க்கின் டெஸ்லா நிறுவன விற்பனை நிலையங்களுக்கு எதிரே போராட்டத்தில் ஈடுபட்டனா்.
அமெரிக்க அரசு நிர்வாகத்தில் அவா் செலுத்திவரும் ஆதிக்கத்தால், அந்நாட்டில் அவருக்கு எதிர்ப்புக்கள் எழுந்துள்ளன.
இதன் ஒரு பகுதியாக, அரசின் செலவினத்தைக் குறைப்பதற்கான மஸ்க்கின் நடவடிக்கைகளுக்கு எதிர்ப்புத் தெரிவித்து அமெரிக்காவின் செயின்ட் லூயிஸ், நியூயோர்க், சார்லட் உள்ளிட்ட பல்வேறு நகரங்களில் ஏராளமானோர் நேற்று முன்தினம் (01) டெஸ்லா கார்களை புறக்கணிக்க வேண்டும் என்று வலியுறுத்தி, போராட்டமொன்றை மேற்கொண்டனா்.
இந்தப் போராட்டங்கள் தொடா்பாக எலான் மஸ்க் ‘எக்ஸ்’ தளத்தில் நேற்று (2) வெளியிட்ட பதிவில்,
அமெரிக்க அரசு செயற்திறன் மேம்பாட்டுத் துறைக்கு அமெரிக்க மக்களிடம் பெரும் அங்கீகாரம் கிடைத்துள்ளது. ஆனால், அமெரிக்க அரசு செயற்திறன் மேம்பாட்டுத் துறையை மோசடியாளா்கள் மிகவும் வெறுக்கின்றனா்’ என்று பதிவிட்டுள்ளார்.
இதுதொடா்பாக அமெரிக்க ஜனாதிபதி மாளிகையின் செய்தித் தொடா்பாளா்
ஹாரிஸன் ஃபீல்ட்ஸ் கூறியதாவது:
’ அமெரிக்க அரசு செயற்திறன் மேம்பாட்டுத் துறை மூலம் அமெரிக்க அரசை மேலும் திறன்வாய்ந்ததாக மாற்றி, கடினமாக உழைத்து வரிசெலுத்தும் அமெரிக்கா்களுக்கு அரசு மேலும் கடமைப்பட்டதாக இருக்கும் என்று ஜனாதிபதி ட்ரம்ப்பும், மஸ்க்கும் வாக்குறுதி அளித்துள்ளனா். அந்த வாக்குறுதி நிறைவேற்றப்படுவதை இத்தகைய போராட்டங்கள் தடுக்காது’ என்றார்