இரு நாடுகளுக்கு செல்லவேண்டாம்” – அமெரிக்கர்களை எச்சரித்த அரசாங்கம்!

ஜேர்மனி மற்றும் டென்மார்க் ஆகிய இரு நாடுகளுக்கும் செல்லவேண்டாம் என அதன் குடிமக்களுக்கு அமெரிக்கா அறிவுறுத்தியுள்ளது. ஜேர்மனி மற்றும் டென்மார்க்கில் கோவிட்-19 தொற்று மீண்டும் வேகமாக பரவி வருவதால், இந்த இரு நாடுகளுக்கு பயணம் செய்வதை தவிர்க்குமாறு அமெரிக்க நோய் கட்டுப்பாடு மற்றும் தடுப்பு மையம் (CDC) அறிவுறுத்தியுள்ளது.

CDC அறிக்கையின்படி, லெவல் 4 பிரிவில் ‘கோவிட்-19 மிக உயர்ந்தது’ என்று குறிப்பிடப்பட்டுள்ள இந்த இரண்டு ஐரோப்பிய நாடுகளுக்கு மக்கள் பயணம் செய்வதைத் தவிர்க்க வேண்டும், மேலும் பயணம் செய்ய வேண்டிய கட்டாயத்தில் இருக்கும் எவரும் முதலில் முழுமையாக தடுப்பூசி போட்டுள்ளீர்களா என்பதை உறுதிப்படுத்திக் கொள்ளுங்கள் என்று தெரிவித்துள்ளது.

CDC ஆனது உலகளவில் 75 இடங்களை லெவல் நான்கில் (Level 4 category) பட்டியலிட்டுள்ளது, கடந்த 28 நாட்களில் 100,000 குடியிருப்பாளர்களுக்கு 500-க்கும் அதிகமான பாதிப்புகள் உள்ளன.

கடந்த வாரம், செக் குடியரசு, ஹங்கேரி, ஐஸ்லாந்து மற்றும் குர்ன்சி தீவு ஆகியவையும் நிலை 4 பிரிவில் சேர்க்கப்பட்டன.

பல மாத கால கோவிட்-19 பயணக் கட்டுப்பாடுகளைத் தொடர்ந்து, இந்த மாத தொடக்கத்தில் அமெரிக்கா தனது எல்லைகளை சர்வதேச பயணிகளுக்கு மீண்டும் திறந்த பின்னர் பயண ஆலோசனைகள் வந்துள்ளன .

இந்தப் புதிய கொள்கையின்படி, முழுமையாக தடுப்பூசி போடப்பட்ட சர்வதேச பயணிகள், தடுப்பூசி போட்டதற்கான ஆதாரத்தையும், பயணத்தின் மூன்று நாட்களுக்குள் எடுக்கப்பட்ட கோவிட்-19 சோதனையின் எதிர்மறையான சோதனையையும் காட்டினால், அவர்கள் அமெரிக்காவிற்குள் நுழைய அனுமதிக்கப்படுவார்கள்.