சிங்கள பேரினவாத அரசாங்கத்தின் காணி சுவீகரிப்புக்கு எதிராக தமிழ்க்கட்சிகள் ஒற்றுமையாக செயற்பட்டது போன்று ஒற்றையாட்சிக்கு எதிராகவும் செயற்பட வேண்டும் – கஜேந்திரகுமார் பொன்னம்பலம் எம்.பி
சிங்கள அரசாங்கத்தின் காணி சுவீகரிப்பிற்கு எதிராக ஒன்றிணைந்து இருந்தது போன்று , தற்போதைய ஒற்றையாட்சி முயற்சிகளுக்கும் தமிழ்க்கட்சிகள் ஒன்றுபட்டு எதிர்க்க வேண்டும் என நாடாளுமன்ற உறுப்பினர் கஜேந்திரகுமார் பொன்னம்பலம் வலியுறுத்தினார்.
யாழ்ப்பாணத்தில் நேற்று (27) இடம்பெற்ற ஊடகவியலாளர்கள் சந்திப்பில் கருத்து தெரிவித்த அவர், “தமிழ் மக்களின் உரிமைகளைப் பாதுகாக்க, சிங்கள அரசாங்கத்தின் ஒற்றையாட்சி நோக்கங்கள் ஒரு பெரிய அச்சுறுத்தலாக இருக்கின்றன. இதனை எதிர்க்க தமிழ்க்கட்சிகள் இடையே நிலவும் கருத்து வேறுபாடுகளைவிட, ஒற்றுமை மிக முக்கியம்,” என்றார்.
தமிழ் மக்களின் எதிர்காலம் மற்றும் அரசியல் உரிமைகளை பாதுகாக்கும் பாதையில், ஒற்றுமையான எதிர்ப்பு நடவடிக்கைகள் கட்டாயமாக வேண்டியவையாகின்றன என்று அவர் மேலும் சுட்டிக்காட்டினார்.
