பிரித்தானியாவை நெருங்கி வந்த ரஷ்ய ஜெட் விமானத்தை ஞாயிற்றுக்கிழமை ராயல் விமானப்படை(RAF) விமானங்கள் இடைமறித்தனர். ஞாயிற்றுக்கிழமை வடக்கு அட்லாண்டிக் பெருங்கடல் மற்றும் நோர்வே கடல் பரப்பில் இருந்து ரஷ்யாவின் கடல்சார் ரோந்து ஜெட் விமானம் Tu-142 பிரித்தானியாவை நோக்கி நெருங்கி வந்தது.
இந்நிலையில் ஸ்காட்லாந்தின் வடக்கே உள்ள லாசிமவுத்தில் இருந்து ராயல் விமானப்படையின்(RAF) டைபூன்(Typhoons) ரக ஜெட் விமானங்கள் விரைவாக ரஷ்ய ஜெட் விமானங்களை இடைமறிக்க அனுப்பட்டது.
விரைவான ஜெட் விமானங்கள் 24/7 என்ற கணக்கில் எப்போதும் எச்சரிக்கை நிலையில் வைக்கப்பட்டு இருப்பதால், அத்துமீறி நுழைய முற்பட்ட ஜெட் விமானங்கள் துரத்தப்பட்டன.
இதற்கிடையில் ரஷ்ய ஜெட் விமானங்கள் பிரித்தானிய வான்வெளிக்குள் நுழையவில்லை என்று தகவல் தெரிவிக்கப்பட்டுள்ளது.
இவ்வாறு கடந்த 2 வாரங்களுக்கு முன்பு, பால்டிக் கடலுக்கு மேல் பரப்பில் அதாவது நோட்டோ வான்வெளிக்கு அருகில் 2 ரஷ்ய போர் விமானங்களும், ஒரு உளவு விமானமும் அத்துமீறி பறந்தன.
இதையடுத்து ஜேர்மன் விமானப்படையுடன் கூட்டுப் பயிற்சியில் ஈடுபட்டு இருந்த RAF விமானிகள் மூன்று ரஷ்ய விமானங்களை இடைமறித்தனர்.
அத்துடன் அதை வழக்கமான இடைமறிப்பு என்றும் அவர்கள் குறிப்பிட்டு இருந்தார்கள்.