மட்டக்களப்பு, செங்கலடியில் கரடியனாறு பகுதியில் காவற்துறை ஜீப் வாகனம் மோதியதில் பாதசாரி ஒருவர் படுகாயமடைந்துள்ளார்.
இந்தச் சம்பவம் நேற்று சனிக்கிழமை இரவு இடம்பெற்றுள்ளது.
விபத்தில் படுகாயமடைந்த பாதசாரி மட்டக்களப்பு போதனா வைத்தியசாலையின் அவசர சிகிச்சைப் பிரிவில் சேர்க்கப்பட்டுள்ளார்.
விபத்தையடுத்து பொலிஸ் ஜீப் வாகனத்தின் சாரதியான கரடியனாறு காவற்துறை நிலையப் பொறுப்பதிகாரி கைது செய்யப்பட்டுள்ளார்.
அவரை நீதிமன்றில் ஆஜர்படுத்த சிறீலங்கா காவற்துறையினர் நடவடிக்கை எடுத்துள்ளனர்.
இது தொடர்பான மேலதிக விசாரணைகளில் கரடியனாறு சிறீலங்கா போக்குவரத்துப் காவற்துறையினர் ஈடுபட்டு வருகின்றனர்.