வெள்ளிக்கிழமை பிரான்சில் 4.8 ரிக்டர் அளவிலான நிலநடுக்கம் ஏற்பட்டதாக புவி அறிவியல்களுக்கான ஜேர்மன் ஆராய்ச்சி மையம் (Research Centre for Geosciences-GFZ) தெரிவித்துள்ளது. நிலநடுக்கத்தின் மையம் மேற்கு பிரான்சின் சாரெண்டே-மரிடைம் பகுதியில் 10 கிமீ (6.21 மைல்) ஆழத்தில் ஒரு கம்யூன் அருகே இருந்தது என்று GFZ தெரிவித்துள்ளது.
நிலநடுக்கத்தால் ஏற்பட்ட உயிரிழப்புகள் அல்லது சேதம் குறித்து உடனடித் தகவல் எதுவும் இல்லை. முன்னதாக, GFZ அளவீடு 5.5 என்று கூறியது, பின்னர் 4.8 ஆக திருத்தப்பட்டது.