கொரோனாத் தொற்றுக்குள்ளான 111 பேர் ஒரே நாளில் இலங்கையில் பலியான அவலம் நேற்று (08)இடம்பெற்றுள்ளது.
சுகாதார சேவைகள் திணைக்கள பணிப்பாளர் நாயகத்தின் உறுதிப்படுத்தலுடன் அரசாங்க தகவல் திணைக்களம் விடுத்துள்ள அறிக்கையில் இவ்விடயம் தெரிவிக்கப்பட்டுள்ளது.
அதனடிப்படையில், நேற்றைய தினம் (ஓகஸ்ட்-08) மேலும் 111 கொவிட் மரணங்கள் பதிவாகியுள்ளன.
கடந்த ஓகஸ்ட்-04 முதல் தொடர்ச்சியாக நான்கு நாட்களாக 90ஐ கடந்த கொவிட் மரணங்கள் பதிவாகியிருந்த நிலையில் நேற்று நூறைக் கடந்து 111 மரணங்கள் பதிவாகியுள்ளது.
இதையடுத்து இதுவரை இலங்கையில் கொரோனாத் தொற்று காரணமாக உயிரிழந்தவர்களது மொத்த எண்ணிக்கை 5,222 ஆக அதிகரித்துள்ளமை குறிப்பிடத்தக்கது.