கிளிநொச்சி பொலிஸ் பிரிவுக்குட்பட்ட பல பகுதிகளில் சட்ட விரோத மணல் அகழ்வினை கட்டுப்படுத்தும் நோக்கில் கடந்த 24 மணிநேர காலப்பகுதியில் 17 பேர் கைது செய்யப்பட்டுள்ளனர்.
கிளிநொச்சி சிறீலங்கா காவல்த்துறைக்கு கிடைக்கப் பெற்ற தகவலுக்கமைய ஊரியான், முரசுமோட்டை, உமையாள்புரம் உருத்திரபுரம் , திருவையாறு , பகுதிகளில் காவல்த்துறை மேற்கொண்ட சுற்றிவளைப்பில் இவர்கள் கைது செய்யப்பட்டனர். அத்துடன் 8 உழவு இயந்திரங்களும், 9 டிப்பர்களும் பொலிசாரல் பிடிக்கப்பட்டன. கைது செய்யப்பட்டவர்கள் காவல்த்துறை விசாரணைகளின் பின்னர் காவல்த்துறை பிணையில் விடுவிக்கப்பட்டனர்.