தமிழர் இறையாண்மைக்கும் பொருளாதாரத்திற்கும் சுவிஸ் உதவி தேவை!

தமிழர் இறையாண்மைக்கும் பொருளாதாரத்திற்கும் சுவிஸ் உதவி தேவை

காணாமல் ஆக்கப்பட்ட தமிழ்க் குழந்தைகளைக் கண்டறியவும், எதிர்கால இனப்படுகொலையிலிருந்து தமிழர்களைக் காப்பாற்றவும், தமிழர் இறையாண்மைக்காக அமெரிக்கா மற்றும் ஐரோப்பிய ஒன்றியத்தின் உதவியைப் பெறவும் எமது தொடர் போராட்டம் இன்று 2578 நாளாகும். வவுனியா நீதிமன்றத்திற்கு முன்பாக, ஏ-9 வீதியில் உள்ள இந்த பந்தலில் எமது பயணம் தொடர்கிறது.

தமிழர் தாயகத்தில் 2024 ஆம் ஆண்டு மார்ச் 8 ஆம் திகதி வெடுக்குநாறி மலையில் இந்துக்கள் “சிவ ராத்திரி” கொண்டாடுவதை தடுத்தது “சிங்களமயமாக்கல் திட்டத்தின்” ஒரு பகுதியாகும் என்று காணாமல் ஆக்கப்பட்ட தமிழ் குழந்தைகளின் தாய்மார்கள் உலகிற்கு தெரிவிக்கின்றனர். சிங்களவர்ளின் பொலிஸ் மற்றும் இராணுவத்தை, மரபு வழிகளில் தடுத்து நிறுத்த முடியாது. சிங்கள ஒடுக்குமுறைக்கு முடிவுகட்ட ஒரே தீர்வு தமிழர் இறையாண்மைதான்.

சுவிஸ் பாராளுமன்றத்திற்கு எமது நன்றியை தெரிவித்துக் கொள்கிறோம். சுவிஸ் அதிகாரிகளுக்கு எமது காணொளி மற்றும் கடிதம் பரவியதைத் தொடர்ந்து அவர்கள் இலங்கையின் பல்வேறு குழுக்களுக்கான நிதியுதவி தொடர்பான கலந்துரையாடலை ஆரம்பித்தனர். இமாலயப் பிரகடனக் குழுவிற்கும் இலங்கை இராணுவத்தின் விதவைகளுக்கும் சுவிஸ் அதிகாரிகள் தங்கள் பண ஆதரவை ஒப்புக்கொண்டதை அறிந்து நாங்கள் மனமுடைந்து போனோம்.

காணாமல் ஆக்கப்பட்ட தமிழர்களின் தாய்மார்கள் என்ற வகையில், தமிழர்களின் பாதுகாப்பை உறுதிப்படுத்தும் மற்றும் இனப்படுகொலை, அடக்குமுறை மற்றும் ஆக்கிரமிப்பு ஆகியவற்றிலிருந்து அவர்களைப் பாதுகாக்கும் அரசியல் தீர்வு தேவை என்று நாங்கள் உறுதியாக நம்புகிறோம். இந்த அரசியல் தீர்வு தமிழர்களின் நிலம், கலாச்சாரம், மொழி, மதம் ஆகியவற்றைப் பாதுகாக்கும்.

அமெரிக்கா, ஐரோப்பிய ஒன்றியம், ஸ்காண்டிநேவிய நாடுகள், கனடா, ஜப்பான், அவுஸ்திரேலியா உள்ளிட்ட பல நாடுகளில் தமிழர் இறையாண்மைக்கான பிரச்சாரத்தை முன்னெடுப்பது குறித்து சில மாதங்களுக்கு முன்பு நாங்கள் விவாதித்தோம். நல்லிணக்க முயற்சிகளுக்காக சிங்கள சமூகத்திற்கு நிதியுதவி வழங்குவதால், எமக்கும் சுவிஸ் அரசாங்கத்திடம் ஆதரவைப் பெறுவதை நோக்கமாகக் கொண்டுள்ளோம். தமிழர்களின் அரசியல் எதிர்காலம் மற்றும் இறையாண்மைக்கான எமது பிரச்சாரத்திற்கு ஆதரவளிக்குமாறு சுவிஸ் அரசைக் கேட்டுக்கொள்கிறோம்.

ஆடைத் தொழிற்சாலைகள் மற்றும் தமிழ் உணவு பதப்படுத்துதல் மற்றும் பேக்கிங் வசதிகளை நிறுவுவதன் மூலம் போரில் பாதிக்கப்பட்ட தமிழர்களுக்கு சுவிஸ் உதவ முடியும். இந்த முன்முயற்சியானது பாதிக்கப்பட்ட தமிழ் மக்களுக்கு ஆதரவளித்து, சிங்கள அடிமைப் பொருளாதாரத்தில் இருந்து விலகிச் செல்வதை நோக்கமாகக் கொண்டுள்ளது. இந்தப் பொருட்களை சுவிட்சர்லாந்தில் உள்ள புலம்பெயர்ந்த தமிழர்களுக்கும், பிற நாடுகளிலும் உள்ள தமிழர்களுக்கும் ஏற்றுமதி செய்வதன் மூலமும், தாயக தமிழர்கள் கஷ்டப்படாமல் தங்களைத் தக்க வைத்துக் கொள்ள முடியும்.

“சிங்களமயமாக்கல் திட்டம்” ஊக்குவிப்பதைத் தடுக்க இந்தத் தொழில்கள் இலங்கை அரசாங்கத்திடம் இருந்து சுயாதீனமாக இருக்க வேண்டும்.

கடந்த 76 ஆண்டுகளாக “ஒன்றுபட்ட மற்றும் பிரிக்கப்படாத இலங்கை” கண்ணோட்டம் குறைபாடுடையதாக இருப்பதால், தமிழர்களின் சுதந்திரத்தைப் பெறுவதற்கான ஒரே தீர்வாக ஒன்றுபட்ட மற்றும் பிரிக்கப்படாத இலங்கையை பார்க்க வேண்டாம் என்று நாங்கள் சுவிட்சர்லாந்திற்கு அறிவுறுத்துகிறோம்.

கொசோவோ, கிழக்கு திமோர், தெற்கு சூடான் மற்றும் மாண்டினீக்ரோ போன்ற உதாரணங்கள், ஒன்ருபடமால் பிரிக்கப்படதன் மூலம் அமைதியை அடைய முடியும் என்பதை எடுத்துக்காட்டுகிறது.

தமிழ் கண்ணோட்டத்தில், “நல்லிணக்கம்” எதிர்மறையான அர்த்தங்களைக் கொண்டுள்ளது. தமிழ் வழிபாட்டுத் தலங்களை சிங்கள இராணுவப் படைகள், பொலிசார் மற்றும் பௌத்த பிக்குகள் கையகப்படுத்தியதோடு தொடர்புடையது. துரதிர்ஷ்டவசமாக, வடக்கு கிழக்கு பகுதிகளில் ஆக்கிரமிப்பு மற்றும் அடக்குமுறை சம்பவங்கள் தொடர்கின்றன.

நல்லிணக்கத்திற்கு முன், தமிழர்களிடம் இருந்து பறிக்கப்பட்ட நிலங்கள் பிரித்தானிய காலனி ஆதிக்கத்தில் இருந்து சுதந்திரம் பெற்ற பின்னர், மணலாறு திரும்பப் பெறப்பட வேண்டும் என தமிழர்கள் நம்புகின்றனர்.

இலங்கையில் நல்லிணக்கத்தை மேம்படுத்துவதற்கு வடக்கு கிழக்கு மாகாணத்திலிருந்து இராணுவம், சிங்கள பொலிஸ் மற்றும் புலனாய்வுப் பிரிவினரை திரும்பப் பெறுவது அவசியமாகும்.

இராணுவம், பொலிஸ் மற்றும் பகுதி நீதித்துறை, போலி தொல்பொருள் திணைக்களங்கள், மகாவலி மற்றும் வன அதிகாரிகள் மற்றும் மகா வம்ச சிங்கள பௌத்தர்கள் அமைப்புகளின் ஆதரவுடன் வடக்கு கிழக்கில் வலுக்கட்டாயமாக நிறுவப்பட்டுள்ள சிங்கள பௌத்த சின்னங்கள், அகற்றப்பட வேண்டும்.

எமது பாராளுமன்ற உறுப்பினர்கள் உண்மையான விடுதலைக்கு போராடுவதை விட தமது பதவிகளுக்கும் சலுகைகளுக்கும் முன்னுரிமை கொடுப்பதாகவே தோன்றுகிறது. மற்ற நாடுகளின் உதவியைப் பெறத் தவறிய போதிலும், ஏழு தசாப்தங்களுக்கும் மேலாக தமிழர்களை எதிர்மறையாகப் பாதித்த ஒற்றையாட்சி முறையை அவர்கள் தொடர்ந்து ஆதரிக்கின்றனர்.

தந்தை செல்வா ஒருமுறை கூறியது போல், “கடவுள் மட்டுமே தமிழர்களை காப்பாற்ற முடியும்”

ஜப்பான், தென்னாப்பிரிக்கா மற்றும் சுவிட்சர்லாந்தில் உள்ள வெளியுறவுக் கொள்கை ஆலோசகர்களுக்கு விரிவான கடிதங்கள் அனுப்பப்படும்.
நன்றி
செயலாளர் கோ.ராஜ்குமார்
தமிழர் தாயக காணாமல் ஆக்கப்பட்டோர் சங்கம்