பல மணிநேரங்களாக, இலங்கை முழுவதும் மின்சாரத் தடை ஏற்பட்டிருந்த நிலையில், நாட்டின் பல பகுதிகளில் மின்சார விநியோகம் வழமைக்கு திரும்பியுள்ளதாக இலங்கை மின்சார சபை தெரிவித்துள்ளது.
கொத்மலையில் இருந்து பியகம வரையிலான பிரதான மின் விநியோக கட்டமைப்பில் ஏற்பட்ட கோளாறு காரணமாக நேற்று பிற்பகல் 5 மணியளவில் நாடளாவிய ரீதியில் மின்சாரம் விநியோகம் தடைப்பட்டது.
திடீர் மின்தடையினால் பொதுமக்கள் பெரிதும் அவதிப்பட்டனர். குடிநீர் விநியோகமும் தடைப்பட்டது.
மின்சாரம் துண்டிக்கப்பட்ட பகுதிகளில் 80% மின்சார விநியோகம் மீண்டும் வழமைக்கு திரும்பியுள்ளதாக மின்சார சபை நள்ளிரவில் தெரிவித்துள்ளது.
எஞ்சியுள்ள பகுதிகளில் மின்சார விநியோகத்தை வழமைக்கு கொண்டு வருவதற்கான சீரமைப்பு நடவடிக்கைகள் இடம்பெற்று வருகின்றன.