பாதுகாப்பு கடவையை கடக்க முற்பட்ட குடும்பஸ்தர் ஒருவர் ரயில் மோதி உயிரிழந்தார். நேற்றுப் பிற்பகல் 5 மணியளவில் இந்தச் சம்பவம் இடம்பெற்றுள்ளது.
கிளிநொச்சி டிப்போ வீதியில் ரயில் நிலையத்துக்கு அண்மித்துள்ள பாதுகாப்பான ரயில்வே கடவை மூடப்பட்டிருந்த நிலையில், அதனைக் கடக்க முற்பட்டவரையே ரயில் மோதியுள்ளது.
விபத்தில் மோட்டார் சைக்கிளில் கடக்க முயன்றவரே இவ்வாறு உயிரிழந்துள்ளார்.
சம்பவத்தில் கிளிநொச்சி – விநாயகபுரம் பகுதியைச் சேர்ந்த 44 வயதுடைய சிவராசமுத்தையா சசிவதனன் எனும் 5 பிள்ளைகளின் தந்தையே இவ்வாறு உயிரிழந்துள்ளார்.
குறித்த சம்பவம் தொடர்பில் கிளிநொச்சி பொலிஸார் விசாரணைகளை முன்னெடுத்து வருவதாகவும் தெரிவித்துள்ளனர்.