ஆயுத வியாபாரத்தில் வளர்ச்சியடைந்து வரும் ஜேர்மனி!

உக்ரைன் மோதலுக்கு மத்தியில் ஜேர்மனியின் ஆயுத வியாபாரம் வளர்ச்சியடைந்துள்ளது, இதன்மூலம் ஜேர்மனி ஏற்றுமதியில் ஆறாவது இடத்தில் உள்ளது. உக்ரைன் மோதல் காரணமாக உலகளாவிய மறுசீரமைப்புக்கு மத்தியில், ஜேர்மனியின் பாதுகாப்பு ஒப்பந்தக்காரர்களுக்கு ஆர்டர்கள் அடுத்தடுத்து வந்துகொண்டே இருக்கிறது, இதனால் அதிக இலாபங்களை அனுபவித்து வருகின்றனர்.

அதுமட்டுமின்றி, 2022-ஆம் ஆண்டில் ஆயுத ஏற்றுமதியில் ஜேர்மனி உலகளவில் ஆறாவது இடத்தைப் பிடித்துள்ளது என்று ஒரு அறிக்கை கூறுகிறது.

ஸ்டாக்ஹோம் இன்டர்நேஷனல் பீஸ் ரிசர்ச் இன்ஸ்டிட்யூட்டின் (SIPRI) அறிக்கையின் படி, அமெரிக்கா, பிரான்ஸ், ரஷ்யா, சீனா மற்றும் இத்தாலிக்கு அடுத்தபடியாக ஆயுத ஏற்றுமதியில் ஜேர்மனி கடந்த ஆண்டு ஆறாவது இடத்தைப் பிடித்தது.

அறிக்கையின்படி, இறுதிப் புள்ளி விவரங்கள் நிலுவையில் உள்ள நிலையில், கடந்த ஆண்டு 8.35 பில்லியன் யூரோக்களுக்கு ($9.13 பில்லியன்) ஆயுத ஏற்றுமதியை பெர்லின் அங்கீகரித்துள்ளது. அத்தகு முன்னதாக இரண்டாவது மிக உயர்ந்த எண்ணிக்கையாக 2021-ல் 9.35 பில்லியன் யூரோக்களுக்கு ($10.20 பில்லியன்) ஏற்றுமதி செய்யப்பட்டது குறிப்பிடத்தக்கது.

2022-ஆம் ஆண்டில் அதன் மிகப்பெரிய ஆர்டர் தைசென்க்ரூப் மரைன் சிஸ்டம்ஸ் தயாரித்த மூன்று நீர்மூழ்கிக் கப்பல்களின் விற்பனையாகும், அவை ஒவ்வொன்றும் 1 பில்லியன் யூரோக்களுக்கு ($1.09 பில்லியன்) இஸ்ரேலால் வாங்கப்பட்டன.

ஜேர்மனியின் மிகப்பாரிய பாதுகாப்பு ஒப்பந்ததாரரான Düsseldorf-ஐ தளமாகக் கொண்ட ஆயுத உற்பத்தியாளர் Rheinmetall, 2022-ல் அதிகபட்சமாக 6.4 பில்லியன் யூரோக்கள் வருவாயைப் பதிவுசெய்துள்ளது, இது 2021-ஆம் அண்டை விட 27 சதவீதம் அதிகமாகும். அதுமட்டுமின்றி, அடுத்தடுத்து 26.6 பில்லியன் யூரோக்களுக்கான ஆர்டர்களையும் வைத்துள்ளது.

வளர்ந்து வரும் தேவையை காரணம் காட்டி, இந்த நிறுவனம் தற்போது 10 மில்லியன் யூரோக்களுக்கும் மேலாக ஒரு புதிய வெடிமருந்துகளை நிறுவுகிறது.

உயர் செயல்திறன் கொண்ட ரேடார் நிபுணதத்துவம் பெற்ற நிறுவனமான Hensoldt, பிப்ரவரியில் 5.4 பில்லியன் யூரோக்கள் ஆர்டர்களை அடுத்தடுத்து வைத்துள்ளதாக அறிவித்துள்ளது.

ஆய்வாளர்கள் ஆச்சரியப்படத்தக்க வகையில் ஜேர்மன் ஆயுத ஏற்றுமதியின் எழுச்சியை உக்ரேனில் நடந்துவரும் போருடன் இணைக்கின்றனர்.

ஜேர்மனியிலிருந்து 2.24 பில்லியன் யூரோக்கள் மதிப்புள்ள பாதுகாப்பு உபகரணங்கள் மற்றும் இயந்திரங்களை வாங்கிய உக்ரைன், கடந்த ஆண்டு ஜேர்மன் ஆயுதங்களை அதிகமாக வாங்கிய நாடாக ஆனது.