இந்தியாவில் இன்று காலை வரையான கடந்த 24 மணிநேரங்களில் 3 இலட்சத்து 66 ஆயிரத்து 161 பேருக்கு கொரோனா தொற்று உறுதி செய்யப்பட்டுள்ளது.
நாட்டில் தினசரி கொரோனா வைரஸ் தொற்று நோயாளர் தொகை 4 இலட்சத்தைக் கடந்து அதிகரித்து வந்த நிலையில் நேற்று இதில் சற்று சரிவு ஏற்பட்டுள்ளது.
கடந்த 24 மணி நேரங்களில் 3,754 பேர் இந்தியாவில் உயிரிழந்துள்ளனர்.
புதிய தொற்று நோயாளர்களுடன் இந்தியாவில் இதுவரை தொற்று உறுதி செய்யப்பட்டவர்களின் மொத்த எண்ணிக்கை 2 கோடியே 26 இலட்சத்து 62 ஆயிரத்து 575 ஆக உயர்ந்துள்ளது.
கொரோனா வைரஸால் இதுவரை உயிரிழந்தவர்களின் மொத்த எண்ணிக்கை 2 இலட்சத்து 46 ஆயிரத்து 116 ஆக உயர்ந்துள்ளது.
இதேவேளை, கொரோனா பாதிப்பில் இருந்து குணமடைந்தவர்களின் எண்ணிக்கை 1 கோடியே 86 இலட்சத்து 71 ஆயிரத்து 222 ஆக உயர்ந்துள்ளது. நேற்று ஒரே நாளில் 3 இலட்சத்து 53 ஆயிரத்து 818 பேர் குணமடைந்துள்ளனர்.
நாடு முழுவதிலும் உள்ள பல்வேறு மருத்துவமனைகளில் இன்றுவரை 37 இலட்சத்து 45 ஆயிரத்து 237 பேர் சிகிச்சை பெற்றுவருகின்றனர்.
நாடு முழுவதும் நேற்று வரை 17 கோடிக்கு மேற்பட்டவர்களுக்கு தடுப்பூசி போடப்பட்டுள்ளது.