ஐக்கியநாடுகள் சபையின் பொதுச்செயலாளர், “Antonio Guterres” அவர்களையும் அமெரிக்கா உளவு பார்த்து வந்துள்ளதாக வெளிவந்த செய்திகளையடுத்து அதிர்ச்சியடைந்துள்ள ஐ.நா. செயலாளர் அலுவலகம், அமெரிக்காவின் இச்செயலுக்கு எதிராக அமெரிக்கவிடமே முறைப்பாடு செய்துள்ளதாக “Reuters” செய்தி நிறுவனம் தெரிவித்துள்ளது.
அண்மையில் கசியவிடப்பட்ட, அமெரிக்க பாதுகாப்பு தலைமையகமான “Pentagon” மற்றும் அமெரிக்க உளவுத்துறையான “CIA” போன்றவற்றின் இரகசிய ஆவணங்களில் இதுவிடயமும் அடக்கியுள்ளதாக குறிப்பிடும் “Reuters”, ஐ.நா. பொதுச்செயலாளர், ஐ.நா.வின் ஏனைய உயரதிகாரிகளோடு நடத்திய சந்திப்புக்களனைத்தையும் அமெரிக்கா ஒட்டுக்கேட்டுள்ளதாகவும், ஐ.நா.வின் சாசனத்தின்படி, இவ்வாறான நடவடிக்கைளில் அமெரிக்கா ஈடுபடுவது மிகவும் பாரதூரமானது எனவும் ஐ.நா. செயலரின் அலுவலகம் தனது முறைப்பாட்டில் தெரிவித்துள்ளதாகவும் மேலும் குறிப்பிடுகிறது.