கொரோனா வைரஸ், காய்ச்சல் போன்ற பருவகால தொற்று நோயாக மாறக்கூடும், அது ஒவ்வொரு ஆண்டும் திரும்பும் என விஞ்ஞானிகள் எச்சரிக்கின்றனர்.
இத்தாலி மற்றும் ஈரானில் பாதிக்கப்பட்டவர்களின் எண்ணிக்கை தொடர்ந்து அதிகரித்து வரும் நிலையில், நோய்த்தொற்றின் பரவல் சீனாவில் கட்டுப்பாட்டுக்கு வரத் தொடங்கியுள்ளது. ஆனால் விஞ்ஞானிகள் தற்போது, கொரோனா வைரஸ் ஒருபோதும் முற்றிலுமாக வெளியேறாது என்றும் அது சளி, மார்பு நோய்த்தொற்று மற்றும் காய்ச்சல் போன்ற வற்றாத நோயாக மாறக்கூடும் என்றும் கூறி உள்ளனர்.
கொரோனா வைரஸ்கள் குளிர்காலத்தில் மிக விரைவாக பரவுவதாக அறியப்படுகின்றன, ஏனெனில் அவை நீண்ட காலம் உயிர்வாழ முடிகிறது, மேலும் குளிர்ந்த, வறண்ட வானிலையில் மிகவும் திறம்பட இனப்பெருக்கம் செய்ய முடியும். இது மக்களை பாதிக்க அதிக வாய்ப்புள்ளது.
லண்டனில் உள்ள குயின் மேரி பல்கலைக்கழகத்தைச் சேர்ந்த பேராசிரியர் ஜான் ஆக்ஸ்ஃபோர்ட் கூறி உள்ளதாவது:-
கடந்த 50 ஆண்டுகளாக அல்லது அதற்கு மேலாக நாங்கள் அவைகளை பற்றி அறிந்திருக்கின்றோம், அவை பருவகால நோய். அவைகள் ஜலதோஷம் போலவே இருக்கின்றன, இங்கிலாந்தில் இந்த நேரத்தில் சில ஆயிரம் பேர் அதனால் பாதிக்கப் பட்டுள்ளனர்.கோவிட் -19 அந்த முறைக்கு பொருந்துமா இல்லையா, என்பதை காத்திருந்துதான் பார்க்க வேண்டும், ஆனால் என் யூகம் அதுதான். என தெரிவித்துள்ளார்.