கொரோனா எதிரொலியாக தென்கொரியாவில் Hyundai தொழிற்சாலை தற்காலிகமாக மூடப்பட்டது.
கொரோனா வைரஸ் தாக்குதல் எதிரொலியால் தென் கொரியாவில் உள்ள Hyundai மகிழுந்து நிறுவன தொழிற்சாலை தற்காலிகமாக மூடப்பட்டது. இங்கு ஆண்டு தோறும் சுமார் 14 லட்சம் மகிழுந்துகள் உற்பத்தி செய்யப்படுகின்றன. சீனாவிற்கு அடுத்த படியாக தென்கொரியாவிலும் கொரோனா பாதிப்பு வேகமாகப் பரவி வருவதால் ஹூண்டாய் மகிழுந்து தொழிற்சாலை தற்காலிகமாக மூடப்பட்டதாக தகவல்கள் தெரிவிக்கின்றன.
தென் கொரியாவில் இன்று மேலும் 571 கொரோனா வைரஸ் தொற்று இருப்பதாக கண்டறியப்பட்டுள்ளது. மொத்தமாக பாதிக்கப்பட்டவர்களின் எண்ணிக்கை 2,337 ஆக உள்ளது.