மட்டக்களப்பு மயிலந்தமடு மற்றும் மாதவனை மேச்சல்த் தறைகளை மீட்டுத் தருமாறு கோரி தமிழ்ப் பண்ணையாளர்கள் முன்னெடுத்து வரும் போராட்டத்திற்கு நீதிகோரியும், ஆதரவு தெரிவித்தும்
மட்டக்களப்புக்கு பயணம் மேற்கொண்டுள்ள சனாதிபதி ரணில் விக்கிரமசிங்கவின் மட்டக்களப்புக்கான பயணத்திற்கு எதிர்ப்புத் தெரிவித்தும்
தமிழ்த் தேசிய அரசியல் கட்சிகள் மற்றும் காணாமல் ஆக்கப்பட்டோர் சங்கத்தினர் உட்பட பல்வேறு பொது அமைப்புக்களால் இன்று (08.10.2023) ஞாயிற்றுக்கிழமை மட்டக்களப்பில் பாரிய அளவிலான போராட்டம் முன்னெடுக்கப்பட்டது.
இதன்போது மட்டக்களப்பு சிறீலங்கா காவல்த்துறையினர் மக்களின் ஜனநாயக போராட்டத்திற்கு பல்வேறு கெடுபிடி நடவடிக்கைகளை மேற்கொண்டிருந்த போதிலும் பெருமளவிலான மக்கள் போராட்டத்தில் கலந்து கொண்டிருந்தமை குறிப்பிடத்தக்கது.
