13வது திருத்தமே அரசியல் தீர்வு என்று தமிழர்கள் நினைக்கிறார்கள் என்பதை ரணிலிடம் பேசி உலகுக்கு காட்டாதீர்கள்.

13வது திருத்தத்தை அமுல்படுத்த விரும்புவோர் நீதிமன்றத்தை நாட வேண்டும். 13வது திருத்தம் நாட்டின் சட்டமாகும்.

காணாமல் ஆக்கப்பட்ட தமிழ் குழந்தைகளை கண்டறியவும், எதிர்கால இனப்படுகொலையில் இருந்து தமிழர்களை காப்பாற்றவும் தமிழ் இறையாண்மைக்காகவும் அமெரிக்கா மற்றும் ஐரோப்பிய ஒன்றியத்தின் உதவிகளை பெறுவதற்கான எமது தொடர்ச்சியான போராட்டத்தின் 2400 நாள் இன்று. வவுனியா நீதி மன்றல் முன் எ-9 வீதியில் இப் பந்தலில் இப்போராடடத்தில் பயணிக்கிறோம்.

13வது திருத்தமே அரசியல் தீர்வு என்று தமிழர்கள் நினைக்கிறார்கள் என்பதை ரணிலிடம் பேசி உலகுக்கு காட்டாதீர்கள்.

எல்லாவற்றையும் மீறி, 13வது திருத்தம் இன்னும் ஒற்றையாட்சியின் கீழ் உள்ளது. கடந்த 75 ஆண்டுகளாக ஒற்றையாட்சியின் கொடுமைகளை பற்றி நாங்கள் நன்கு அறிந்திருக்கிறோம்.

13வது திருத்தத்தை யாரேனும் விரும்பினால், இலங்கை நீதிமன்றத்திற்குச் சென்று, 1987ஆம் ஆண்டு முதல் இலங்கை அரசியலமைப்பில் அங்கம் வகிக்கும் 13ஆவது திருத்தத்தை நடைமுறைப்படுத்துமாறு கோர வேண்டும்.

13வது திருத்தம் நாட்டின் சட்டமாகும். எனவே எந்த அரசாங்கமும் அதனை நடைமுறைப்படுத்த மறுத்தால் 13வது திருத்தத்தை விரும்பும் தமிழ் அரசியல் வாதிகள் நீதிமன்றத்தை நாட வேண்டும்.

இலங்கையின் நீதித்துறை 13வது திருத்தத்தை அமுல்படுத்துவதில் தோல்வியடைந்தால், இலங்கை தனது சொந்த அரசியலமைப்பை மதித்து பின்பற்றவில்லை என்பதையே உலகிற்கு காட்டுகின்றது.

எனவே தமிழர்களுக்குத் தேவை, தமிழர்களுக்கு உதவும் அரசியலமைப்பு. சிங்கள அரசியலமைப்பு எமக்கு வேண்டாம்

13வது திருத்தம் என்பது தமிழர்களின் அரசியல் தீர்வோ அல்லது தமிழர்களுக்கு உதவுவதற்காகவோ அல்ல.

இந்தியர்கள் இலங்கை மீது வைத்த பொறி அது. இந்தியா எப்போது இலங்கை மீது படையெடுக்க விரும்புகிறதோ அல்லது இலங்கைக்கு வர நினைக்கிறதோ, அப்போதெல்லாம் 13வது திருத்தம், இலங்கை மீது படையெடுப்பதற்கு அவர்களின் துரும்பாக இருக்கும்.

எதிர்காலத்தில் இந்தியாவினால் இலங்கை மீதான படையெடுப்பிற்குப் பிறகு, தமிழர்கள் தங்களைத் தாங்களே ஆளுவதற்கான உரிமைகளை இந்தியா மதிக்குமா என்பதில் நாம் சந்தேகம் கொள்கிறோம்.

13வது திருத்தத்தை இந்தியா வலுக்கட்டாயமாக அமுல்படுத்த அனைத்து தமிழ் கட்சிகளுக்கும் பிரதமர் மோடியை சந்திக்க வருமாறு முன்னாள் முதலமைச்சர் விக்னேஸ்வரன் அழைப்பு விடுத்துள்ளார். நீதியரசர் என்ற வகையில், 13வது திருத்தம் நாட்டின் சட்டம் என்பதை அவர் அறிந்து கொள்ள வேண்டும். எனவே தற்போதைய அரசாங்கத்தினால் நடைமுறைப்படுத்தப்படுவதற்கு அவர் நீதிமன்றத்திற்கு செல்ல வேண்டும்.

வடக்கு கிழக்கில் கைத்தடி சுமக்கும் பொலிஸாருக்கு எதற்காக ரணிலுடன் பேரம் பேசுகின்றார் விக்னேஸ்வரன் என்று தெரியவில்லை .

விக்னேஸ்வரன் 13வது திருத்தத்தை குறைப்பதற்கு ரணிலுக்கு ஏன் ஒத்துழைக்கிறார்?

தமிழர்களின் அரசியல் தீர்வுக்கான பொது வாக்கெடுப்பு என்ற தேர்தல் விஞ்ஞாபன கோரிக்கையை விக்னேஸ்வரன் உறுதியளித்ததால் திரு.விக்னேஸ்வரன் மோடியிடம் சென்று பொது வாக்கெடுப்புக்கு உதவுமாறு கேட்க்க வேண்டும்.

ரணிலுடன் பேசுவது, நல்லிணக்கம் மற்றும் நல்லாட்சி பற்றி பேசுவது சிங்களவர்கள் தமிழ் இனப்படுகொலையை விரைவுபடுத்த பயன்படுத்துகின்ற ஆயுதங்கள்.

தமிழர் தரப்பினர் ரணிலுடன் பேசுவதன் மூலம், வாக்கெடுப்பு மற்றும் பிற தமிழர்களின் தேவைகளுக்கு ஆதரவாக அமெரிக்கா மற்றும் ஐரோப்பிய ஒன்றியத்தை இழுக்கும் எங்கள் முயற்சியை அழித்து விடுகிறார்கள்.

இந்த செய்தி அறிக்கையை முடிப்பதற்கு முன், UNHRC ஐ.நா. மனித உரிமைகள் பேரவையின் தீர்மானத்தை இலங்கை மறுத்ததைப் பற்றி புகார் செய்வதை நிறுத்திவிட்டு இறுதி மற்றும் உறுதியான நடவடிக்கைக்கு வர வேண்டும் என்று நாங்கள் கோருகிறோம்.

எனவே, பாதிக்கப்பட்டவர்களாகிய நாங்கள், இலங்கையின் வடகிழக்கில் சுதந்திர வாக்கெடுப்பு நடத்தவும், அதற்காகப் பிரச்சாரம் செய்யவும் ஐ.நாவை நாங்கள் கோருகிறோம்.

UNHRC தீர்மானத்திற்கு கீழ்படியுமாறு இலங்கையை அழைப்பதை ஐநா மனித உரிமைகள் பேரவை நிறுத்த வேண்டிய நேரம் இது என்று நாங்கள் நினைக்கிறோம்.

இலங்கையின் வடக்கு கிழக்கில் பொதுவாக்கெடுப்பை நடத்துவதற்கு கிழக்கு திமோரில் ஐ.நா பயன்படுத்திய முறை மற்றும் வழிமுறையை ஐநா மனித உரிமைகள் பேரவை பின்பற்ற வேண்டும்.

நன்றி செயலாளர்
கோ.ராஜ்குமார்
தமிழர் தாயக காணாமல் ஆக்கப்பட்டோரின் சங்கம்.
செப்டம்பர் 16, 2023