கிழக்கு மாகாணத்தில் நேற்று மொத்தம் 109 பேருக்கு கொரோனா தொற்று உறுதி செய்யப்பட்டதாக கொவிட்19பரவலை தடுப்பதற்கான தேசிய செயல்பாட்டு மையத்தினால் இன்று காலை வெளியிடப்பட்ட நாளாந்த நிலவர அறிக்கையில் தெரிவிக்கப்பட்டுள்ளது.
மட்டக்களப்பில் – 38, திருகோணமலையில் – 38 மற்றும் அம்பாறையில் -33 பேருக்கு நேற்று தொற்று உறுதி செய்யப்பட்டதாகவும் அந்த அறிக்கையில் குறிப்பிடப்பட்டுள்ளது.
இவற்றுடன், மட்டக்களப்பில் மொத்தமாக 6,145 பேருக்கு தொற்று உறுதியாகியுள்ளது. அத்துடன், திருகோணமலையில் 3,728 மற்றும் அம்பாறையில் 6,257 பேருக்கும் இதுவரை தொற்று உறுதி செய்யப்பட்டுள்ளது.